Ish-aktorja Raquel Lee Bolleau ka ngritur një padi kundër The Walt Disney Company, duke pretenduar se është abuzuar seksualisht disa herë gjatë xhirimeve të filmit “The Poof Point” kur ishte vetëm 14 vjeçe. Sipas padisë së dorëzuar në Gjykatën e Lartë të Los Angelesit, një punonjës i Disneyt i siguronte alkool dhe ushtronte presion ndaj saj për ta konsumuar, më pas e sulmoi dhe përdhunoi në mënyrë të përsëritur. Bolleau akuzon Disney-n se nuk e mbrojti dhe se ambienti i punës nuk ishte i sigurt për një të mitur, madje regjisori dhe trajneri i dialogut i kishin kërkuar asaj të ndërtonte marrëdhënie me personin e akuzuar. Deri tani, Disney nuk ka dhënë një koment zyrtar, ndërsa padia vazhdon të shqyrtohet në procesin gjyqësor.