Pesë turistë gjermanë kanë dërguar një sinjal SOS në zonën e malit të Çikës, pranë majës së Qorres, duke kërkuar ndihmë urgjente. Njëri prej tyre dyshohet se ka pësuar probleme shëndetësore ose është dëmtuar gjatë lëvizjes në terrenin e vështirë, por ende nuk ka konfirmim zyrtar për gjendjen e tij. Menjëherë pas sinjalit, është organizuar një operacion kërkim-shpëtimi ku po marrin pjesë forca speciale Delta Force, Policia e Vlorës, punonjës të Administratës së Zonave të Mbrojtura dhe një infirmier. Operacioni vijon në terren dhe priten informacione të mëtejshme për fatin e turistëve dhe ecurinë e ndërhyrjes.