Kompania Ananas Impex SH.P.K. ka reaguar pas raportimeve për praninë e pesticideve në një ngarkesë speci të kuq, duke mohuar se sasia e raportuar është shpërndarë në tregun e Kosovës dhe duke garantuar sigurinë e produkteve të saj. Sipas deklaratës së kompanisë, të gjitha produktet prodhohen dhe tregtohen në përputhje me standardet ligjore dhe kërkesat e sigurisë ushqimore, ndërsa analizat laboratorike nuk kanë gjetur pesticide mbi kufijtë e lejuar. Ananas Impex ka bashkëpunuar ngushtë me Agjencinë e Ushqimit dhe Veterinarisë (AUV), e cila ka kryer inspektime dhe kontrolle që nuk kanë evidentuar parregullsi apo nevojë për masa ndaluese. Kompania pret që sqarimi përfundimtar i AUV-së të konfirmojë gjetjet e saj dhe të qartësojë situatën për konsumatorët.