Në Gjykatën Themelore në Prishtinë është anuluar për të dytën ditë radhazi seanca ndaj të akuzuarve për krime lufte, Momir Pantiq dhe Zharko Zariq, për shkak të gjendjes së keqe shëndetësore të Pantiqit. Ai nuk ka mundur të paraqitet në gjykim as më 16 mars, as më 17 mars 2026, pasi ndodhet në Burgun e Sigurisë së Lartë në Dyz dhe gjendja e tij mbetet e pandryshuar. Sipas aktakuzës së ngritur më 1 shtator 2024 nga Prokuroria Speciale, Pantiq dhe Zariq akuzohen për krime lufte kundër popullsisë civile në fshatin Dubravë në maj 1999, ku pas bombardimeve të NATO-s kanë ushtruar dhunë sistematike dhe çnjerëzore ndaj të burgosurve shqiptarë. Ata akuzohen gjithashtu për vrasje, kidnapim dhe dhunim seksual të viktimave shqiptare gjatë periudhës së konfliktit në Istog.