Gjykata e Apelit e Kosovës ka anuluar aktgjykimin e Gjykatës Themelore në Prishtinë ndaj Srdjan Lazoviqit, duke kthyer çështjen në rigjykim. Vendimi vjen pas pranimit të ankesave të mbrojtëses së Lazoviqit dhe vetë të akuzuarit, ku u gjetën shkelje esenciale të procedurës penale dhe vlerësim i pamjaftueshëm i provave në aktgjykimin fillestar. Gjykata e shkallës së parë nuk ka trajtuar në mënyrë të plotë dhe të arsyetuar provat materiale, përfshirë raportet e Agjencisë së Kosovës për Forenzikë dhe ekspertëve të huaj. Kjo mungesë ka ndikuar në vërtetimin e gabuar të gjendjes faktike, duke bërë të nevojshëm një rigjykim të plotë të çështjes.