Gjykata e Apelit ka vërtetuar vendimin e Gjykatës Themelore në Prishtinë, duke refuzuar kundërshtimet dhe kërkesat për hudhjen e aktakuzës ndaj Qendrim Marevcit dhe Bekim Mehmetit, të akuzuar për fajde, shpëlarje parash dhe vepra të tjera penale. Dëmi i pretenduar ndaj të dëmtuarve kap vlerën mbi 6 milionë euro, ndërsa Mehmeti ngarkohet me disa vepra penale përfshirë kanosjen, dhe Marevci për ndihmë në kryerjen e fajdesë dhe shpëlarjes së parave. Apeli ka vlerësuar se aktakuza është e mbështetur në prova të mjaftueshme, si deklaratat e dëshmitarëve dhe materialet e paraqitura, duke përjashtuar pretendimet e mbrojtjes për mungesë të provave ose shkelje procedurale. Gjykata thekson se në këtë fazë të procedurës nuk shqyrtohen meritat e çështjes, por vetëm ekzistenca e dyshimit të bazuar mirë, dhe ka vendosur që rasti të vazhdojë me gjykim.