Gjykata e Apelit ka refuzuar ankesat e Prokurorisë dhe mbrojtësve të të akuzuarve, duke vërtetuar dënimet me burg dhe gjobë ndaj Shkodran Pulajt dhe pesë të tjerëve për veprat penale të shitblerjes së narkotikëve dhe armëmbajtjes pa leje. Vendimi i Apelit konfirmon aktgjykimin e Gjykatës Themelore në Pejë, ku të akuzuarit janë dënuar me mbi 7 vjet burgim dhe 6,800 euro gjobë në total, ndërsa janë sekuestruar armë, municion dhe substanca narkotike. Në aktakuzë përshkruhet se Shkodran Pulaj dhe bashkëpunëtorët e tij kanë blerë, poseduar dhe shitur kokainë dhe marihuanë, duke përfshirë edhe shfrytëzimin e një të mituri për shpërndarje të drogës. Gjykata e Apelit ka vlerësuar se dënimet janë të drejtë, të ligjshme dhe proporcionale, duke theksuar se provat janë administruar në mënyrë të plotë dhe të ligjshme gjatë procesit gjyqësor.