Gjykata e Apelit ka vërtetuar vendimin e Gjykatës Themelore në Mitrovicë, e cila kishte liruar nga akuza Luigj Azizajn për vrasje në tentativë në një incident në një autobus më 2002. Prokuroria kishte apeluar duke pretenduar shkelje të procedurës dhe gabime në vlerësimin e fakteve, por Apeli ka gjetur se aktgjykimi ishte i qartë dhe i bazuar në prova të mjaftueshme. Në vendim theksohet se nuk është vërtetuar përtej dyshimit të arsyeshëm se Azizaj ka tentuar të privojë nga jeta Alfred Dibranin, ndërsa veprimet e tij mund të përbënin vepra të tjera penale që tashmë janë parashkruar. Incidenti kishte ndodhur gjatë një ngatërrese verbale në autobus, ku i akuzuari kishte sulmuar me grushte dhe thikë, por ishte penguar nga kondukteri, i cili gjithashtu kishte pësuar lëndime të lehta.