Gjykata e Apelit e Kosovës ka anuluar aktvendimin e Gjykatës Themelore në Prishtinë, e cila kishte liruar tre të dyshuarit me inicialet E.A., A.K. dhe A.L., të kapur me rreth 1 milion euro cash, të dyshuar për shpëlarje parash. Apeli ka konstatuar shkelje të dispozitave të procedurës penale dhe mungesë arsyetimi të mjaftueshëm nga ana e gjykatës së shkallës së parë për refuzimin e paraburgimit, duke kthyer çështjen për rivendosje. Të dyshuarit u kapën në pikëkalimin kufitar në Merdar duke transportuar shumën e madhe të padeklaruar, e fshehur në dyshemenë e një minibusi, ndërsa njëri prej tyre ishte polic në Tiranë dhe u suspendua pas arrestimit. Prokuroria Speciale ka njoftuar se do të ankohet për lirimin e të dyshuarve, duke theksuar se nuk janë paraqitur prova minimale nga gjykata e parë për veprën penale të shpëlarjes së parave.