Arblind Pireva, i dyshuari për vrasjen e rëndë të Agron Hajdarit në Prishtinë, është vetëdorëzuar te hetuesit policorë dhe ka pranuar kryerjen e veprës penale. Ngjarja ndodhi mbrëmjen e 27 majit në rrugën “Rifat Berisha”, ku viktima u qëllua me armë zjarri dhe ndërroi jetë nga plagët në kokë, gjoks dhe shpinë. Pas krimit, Pireva ishte larguar dhe ishte në arrati për disa orë, ndërsa Policia ndërmori masa intensive për kapjen e tij. Ai u ndalua për 48 orë dhe rasti po hetohet si “Vrasje e rëndë” dhe “Mbajtje pa autorizim të armëve”, ndërsa hetimet për motive dhe rrethana vazhdojnë.