Ardian Krasniqi, i arrestuar në Itali, pritet të ekstradohet sonte në Kosovë përmes Njësisë për Bashkëpunim Ndërkombëtar në Zbatimin e Ligjit – ILECU. Ai është i përfshirë në një rast penal që lidhet me Lavdim Krasniqin, ish-drejtor i Sekretariatit të Këshillit Prokurorial të Kosovës, dhe disa persona të tjerë të akuzuar. Seanca ndaj tij do të mbahet pas mesnatës në orën 00:30, me gjyqtar Alban Ajvazin që do të drejtojë procesin. Avokatja e tij, Bedrie Rexhepi, ka refuzuar të japë deklarata publike në këtë fazë, duke theksuar se është ende herët për komente.