Prokuroria Themelore në Gjilan ka njoftuar se Arianit Sllamniku, i cili po hetohet për ushtrim të kundërligjshëm të veprimtarisë mjekësore dhe eksperimente të paligjshme, është liruar dhe i është ndërprerë masa e arrestit shtëpiak. Fillimisht ndaj tij ishte vendosur paraburgim një mujor, i cili më pas u zëvendësua me arrest shtëpiak, por tani kjo masë është hequr plotësisht. Hetimet ndaj Sllamnikut vazhdojnë, ndërkohë që ai dyshohet se ka përshkruar terapi të dyshimta për fëmijët me autizëm dhe ka përfituar mijëra euro nga këto konsultime. Pas arrestimit, ordinanca e tij u mbyll dhe aty iu gjetën armë dhe barna të ndryshme të kafshëve, por pavarësisht rrezikut, Prokuroria po vazhdon hetimet duke e lënë atë të lirë.