Një 48-vjeçar shqiptar, i dënuar për trafik droge, është arratisur në mënyrë spektakolare nga burgu i Koridhalosit në Greqi më 2 qershor. Ai ka shfrytëzuar një moment të hapjes së dyerve gjatë kohës së ushqimit dhe nxjerrjes së mbeturinave për të ikur, duke kaluar përmes dy zonave sigurie që u hapën njëkohësisht, një situatë që po hetohet nga autoritetet. Dyshohet se arratisja mund të ketë përfshirë ndihmën e brendshme nga gardianët, ndërsa forca policore janë vënë në ndjekje të tij pa sukses deri më tani. Hetimet vazhdojnë për të zbuluar rrethanat e sakta të ngjarjes dhe për të identifikuar përgjegjësitë lidhur me sigurinë e burgut.