Një 44-vjeçar me inicialet Rezart Abazaj u arrestua në Durrës pasi në tentativë për t’i shpëtuar ndalimit nga policia, përplasi mjetin e efektivëve duke rrezikuar jetën e tyre. Ngjarja ndodhi në lagjen 17, pranë zonës së ish-Kënetës, ku patrulla ishte njoftuar nga banorët për një drejtues që lëvizte me shpejtësi dhe në mënyrë të pakontrolluar. Testi i alkoolit tregoi se Abazaj drejtonte mjetin me 1.4 mg/l alkool në gjak dhe rezulton të jetë përsëritës për të njëjtën vepër penale, pasi më parë ishte arrestuar për të njëjtën arsye dhe ishte liruar me masën “detyrim paraqitjeje”. Gjykata e Durrësit caktoi masën e sigurisë “arrest në burg” për të, duke theksuar rrezikun që ai paraqet për komunitetin dhe punonjësit e policisë. Ngjarja ndodhi vetëm një rrugicë larg vendit ku pak ditë më parë humbën jetën dy fëmijë, duke shtuar shqetësimin për sigurinë në atë zonë.