Policia e Kosovës ka arrestuar dy persona në Prizren pas një hetimi disa mujor për posedim dhe shpërndarje të kokainës. Me urdhër të gjyqtarit janë kontrolluar një shtëpi dhe dy lokale, ku janë gjetur dhe sekuestruar rreth 452 gramë kokainë, e cila ka vlerë rreth 30 mijë euro. Gjatë aksionit janë konfiskuar edhe armë pa leje, mjete për paketimin dhe shpërndarjen e narkotikëve, si dhe para të gatshme. Të dyshuarit janë intervistuar dhe me vendim të prokurorit janë dërguar në mbajtje, ndërsa policia vazhdon hetimet për këtë rast.