Autoritetet e Kosovës kanë bërë një hap të rëndësishëm në hetimet për varrezat masive në komunën e Zubin Potokut, duke arrestuar një person të dyshuar për krime lufte kundër popullsisë civile. Arrestimi i tretë në kuadër të këtij operacioni u krye me urdhër të Prokurorisë Speciale dhe është pjesë e hetimeve të vazhdueshme në këtë zonë. Paralelisht, është identifikuar një lokacion i ri në fshatin Jabukë, vetëm 10 kilometra larg vendit ku po zhvillohen gërmime në Kalludër të Vogël, ku dyshohet të jenë mbetje mortore të personave të zhdukur gjatë luftës së fundit në Kosovë.