Në Prishtinë, gjatë një operacioni antidrogë të zhvilluar më 18 qershor, një person është arrestuar me vendim të prokurorit për veprën penale “Pengim i personit zyrtar”. Gjatë kontrollit policor janë sekuestruar tri pajisje DVR të sistemit të kamerave të sigurisë së një biznesi dhe dy telefona mobilë në pronësi të të dyshuarit. Pas intervistimit në prani të prokurorit, i arrestuari është dërguar në mbajtje për 48 orë, ndërsa hetimet për këtë rast vazhdojnë. Policia ka njoftuar se po vazhdon punën për zbardhjen e plotë të ngjarjes dhe për kapjen e të gjitha personave të përfshirë.