Policia Rajonale në Ferizaj ka arrestuar një të ri me inicialet Sh.R., 24 vjeç, për posedim të paautorizuar të armës së zjarrit, pas një bastisjeje në një lokal në rrugën “Vëllezërit Gërvalla” ku u gjet një pistoletë me tetë fishekë. I dyshuari është ndaluar për 48 orë dhe ndaj tij është iniciuar rasti “Mbajtje në pronësi apo kontroll i paautorizuar i armëve”. Në një rast tjetër, në fshatin Kotlinë të Kaçanikut, policia ka sekuestruar një pushkë gjuetie me 13 fishekë dhe ka shoqëruar personin me inicialet U.L., 45 vjeç. Pas intervistimit, ky i fundit është liruar në procedurë të rregullt me vendim të prokurorit të shtetit.