Dy persona janë arrestuar në Prishtinë gjatë një kontrolli policor që u zhvillua të enjten rreth orës 23:30 në rrugën “Dëshmorët e Kombit”. Gjatë kontrollit, te njëri prej të dyshuarve janë gjetur dhe sekuestruar 1 mijë e 745 euro në valuta të ndryshme, të cilat dyshohet se janë përfituar nga shitja e narkotikëve, si dhe një telefon mobil. Tek i dyshuari tjetër janë sekuestruar një armë zjarri me një karikator dhe 10 fishekë, një sasi e vogël kokainë rreth 0.4 gram, një telefon dhe në veturë janë gjetur rreth 53 gram marihuanë, një peshore digjitale dhe qese najloni.