Një operacion i përbashkët i Policisë, Prokurorisë Themelore në Prishtinë dhe Agjencisë së Kosovës për Inteligjencë ka zbuluar një skemë të kundërligjshme rekrutimi për punëtorë të kompanisë Wolt. Në këtë operacion janë arrestuar tre persona, përfshirë dy gra zyrtare nga Drejtoria për Shtetësi, Azil dhe Migrim, dhe një shtetas turk që dyshohet si ndërmjetës. Të arrestuarit akuzohen për keqpërdorim të detyrës dhe falsifikim dokumentesh, ndërsa skema kishte për qëllim punësimin e punëtorëve turq si korrierë me skuter në Kosovë. Të dyshuarit janë ndaluar për 48 orë, ndërsa hetimet vazhdojnë për zbardhjen e plotë të skemës kriminale.