Pas përfundimit të ndeshjes së futbollit ndërmjet KF Trepçës dhe KF Vushtrrisë në Mitrovicë, tre persona janë arrestuar nën dyshimin për sulm fizik ndaj një shtetasi të Kosovës. Policia ka reaguar shpejt dhe ka identifikuar të dyshuarit, të cilët dyshohet se i përkasin grupit të tifozëve “Torcida”. Gjatë kontrollit, është gjetur dhe sekuestruar një shufër metalike dhe një maskë fytyre, ndërsa viktima ka marrë trajtim mjekësor dhe është intervistuar si ankues. Pas hetimeve, është hapur rasti penal “Sulm”, ku dy të dyshuar janë liruar në procedurë të rregullt, ndërsa njëri është ndaluar për 48 orë me urdhër të prokurorit.