Katër persona serbë, të angazhuar nga Komuna e Mitrovicës së Veriut për të realizuar një mural në rrugën “Kral Petar”, janë shoqëruar nga Policia e Kosovës për të dhënë deklarata lidhur me këtë veprim. Muralin e kishin nisur duke testuar ngjyrën në mur, por policia ndërhyri pasi nuk kishte leje nga Ministria e Administrimit të Pushtetit Lokal, e cila është e domosdoshme për realizimin e veprave të tilla. Njëri prej të shoqëruarve u gjobit për vandalizëm, ndërsa të tjerët u liruan pas procedurave policore. Zëvendëskomandanti i Policisë për rajonin e veriut, Veton Elshani, theksoi se nuk do të lejohet asnjë mural pa leje paraprake nga autoritetet kompetente.