Gjatë fundjavës, Njësia për Ndërlidhje me Gjykatat në Stacionin Policor të Gjakovës realizoi aksione të ndryshme për ekzekutimin e urdhër-arresteve të lëshuara nga gjykatat kompetente. Si rezultat, tre persona të kërkuar janë arrestuar dhe dërguar në vuajtje të dënimit për vepra të ndryshme penale, përfshirë tentativë vrasjeje, kanosje, mbajtje të paautorizuar të armëve dhe vjedhje të rëndë. M.Gj. u dënua me katër vite e tre muaj burg, D.K. me 95 ditë, ndërsa A.G. me një vit burg. Policia Rajonale e Gjakovës theksoi përkushtimin e saj në zbatimin e urdhër-arresteve dhe garantimin e rendit dhe sigurisë publike në rajon.