Alejandro Arias Monge, i njohur si “El Diablo”, u arrestua në Rio Frío, rreth 90 km në verilindje të San Hozes, gjatë një operacioni të armatosur që zgjati rreth 45 minuta. Ai ishte drejtuesi i një organizate kriminale ndërkombëtare, e përfshirë në trafik droge, vrasje, grabitje dhe pastrim parash, dhe ishte më i kërkuari në vend, me një shpërblim prej 500 mijë dollarësh nga autoritetet amerikane që kërkonin ekstradimin e tij. Gjatë operacionit u plagosën tetë efektivë policie, u vra një anëtar i grupit kriminal dhe u arrestuan edhe dy persona të tjerë, përfshirë një tjetër bos të kërkuar. Hetuesit zbuluan se në banesën ku u zhvillua operacioni ndodheshin tre nga personat më të kërkuar në Kosta Rika, të lidhur me rreth 360 vrasje, dhe se Arias kishte qenë në arrati për më shumë se dhjetë vjet, duke u fshehur edhe në Nikaragua.