Reperi Gjesti u arrestua pas një incidenti në zyrat e kompanisë “Onima” në Prishtinë, ngjarje që ka shkaktuar reagime të shumta në rrjetet sociale. G-Bani, përmes një postimi publik, shprehu mbështetjen e tij për Gjestin, duke theksuar se problemet nuk lidhen drejtpërdrejt me personalitetin e artistit, por me njerëzit që e rrethojnë dhe nuk kanë ditur ta ndalojnë në kohë. Ai përmendi faktorë si mosha e re, presioni i famës dhe gjendja emocionale pas humbjes së vëllait, që mund ta kenë shtyrë Gjestin të reagojë në mënyrë të nxituar. G-Bani pranoi se mënyra e përballjes me konfliktin nga ana e Gjestit ishte e gabuar, por bëri thirrje që autoritetet të tregojnë maturi dhe të mos i heqin lirinë artistit, pasi kjo do të dëmtonte karrierën e tij.