Ish-reprezentuesi i Kroacisë dhe ish-futbollisti i Milanit, Dario Simiq, është arrestuar në Zagreb nën dyshimet për korrupsion lidhur me sigurimin e paligjshëm të lejeve për një kamp turistik në Tisno. Bashkë me të është ndaluar edhe Neda Livljaniq, ish-drejtuese në Departamentin e Turizmit pranë Zyrës së Administratës Shtetërore të Qarkut Shibenik-Knin, si dhe një biznesmen nga Vodice, i dyshuar si ndërmjetës në këtë rast. Sipas burimeve jozyrtare, Livljaniq nuk dyshohet se ka marrë ryshfet, ndërsa autoritetet kroate ende nuk kanë dhënë detaje zyrtare mbi hetimin. Pritet që gjatë ditës të publikohen informacione të reja lidhur me këtë aksion dhe zhvillimet e mëtejshme.