Një 49-vjeçar nga Nerodimja e Poshtme e Ferizajt u arrestua në pikën kufitare Kroaci-Mali i Zi, pasi ishte i kërkuar nga Interpoli me një fletarrest nga Serbia për akuza të krimeve të luftës. Mediat kroate raportuan për arrestimin, ndërsa Organizata e Veteranëve të Luftës (OVL) në Kosovë u pyet lidhur me statusin e tij si veteran. Nënkryetari i OVL-UÇK-së, Gazmend Syla, deklaroi se personi në fjalë nuk figuron në listat e veteranëve të zonës së Nerodimës apo të Kosharës dhe se nuk ka përfituar çertifikatë të veteranit. Ai shtoi se edhe kryetari i OVL-së në Ferizaj nuk ka gjetur ndonjë informacion për këtë person, por verifikimet do të vazhdojnë për të sqaruar më tej situatën.