Një shtetas algjerian është arrestuar në Prishtinë pasi dyshohet se kreu një vjedhje në një market lokal. Gjatë incidentit, ai ka nxjerrë një mjet të mprehtë përballë punëtores së marketit, por është ndaluar nga një zyrtar policor që ndodhej aty pranë. Në kontrollin e kryer, policia i ka sekuestruar atij një mjet të mprehtë metalik dhe dy telefona celularë, nga të cilët njëri rezultoi i vjedhur. Pas intervistimit, me vendim të prokurorit, i dyshuari është dërguar në mbajtje dhe rasti është regjistruar si “Vjedhje grabitqare”.