Një burrë 38-vjeçar, Jeanine John Taele, u arrestua pranë fushës së golfit të presidentit Donald Trump në Rancho Palos Verdes, Kaliforni, pasi u kap me armë dhe municione të paligjshme. Ai ishte duke bërë fotografi dhe video në zonë, duke u dukur se monitoronte aktivitetet e sigurisë para një darke për mbledhje fondesh ku do të merrte pjesë Trump. Gjatë kontrollit, policia i gjeti një pistoletë të mbushur, karikatorë me municion me majë të zbrazët dhe në automjetin e tij u sekuestruan armë të tjera, një jelek antiplumb dhe fletore me përmbajtje shqetësuese. 38-vjeçari është akuzuar për posedim të armëve të ndaluara dhe mbajtje të fshehur të armës, por është deklaruar i pafajshëm, ndërsa gjykata i ka ndaluar afrimin pranë fushës së golfit. Presidenti Trump komentoi shkurt ngjarjen, duke thënë se situata të tilla ndodhin presidentëve që "lënë gjurmë".