Vuk Vulleviq, shtetas i Malit të Zi dhe i kërkuar nga INTERPOL-i, u arrestua më 12 korrik në Beograd nga autoritetet serbe. Gjatë arrestimit, atij iu gjetën dokumente personale të falsifikuara të lëshuara në Kosovë, ndërsa ndaj tij do të ngrihet kallëzim penal për falsifikim dokumentesh. Vulleviq kërkohej për veprat penale të organizimit të grupit kriminal dhe trafikimit të narkotikëve, si dhe ishte pjesë e një grupi të madh kriminal të lidhur me kontrabandën e kokainës në Ballkan. Arrestimi i tij vjen në kuadër të një operacioni ndërkombëtar ku janë përfshirë agjenci si EUROPOL, FBI dhe DEA, ndërsa ai do të përballet me drejtësinë në Beograd për veprat e dyshuara.