Në mbrëmjen e së enjtes në Ferizaj, policia ka arrestuar tre persona nën dyshimin e posedimit të substancave narkotike. Ngjarja ka ndodhur rreth orës 21:20 në rrugën “Brahim Ademi”, ku pas një pune operative janë ndaluar tre meshkuj kosovarë. Tek të arrestuarit janë gjetur dhe konfiskuar substanca që dyshohet të jenë marihuanë, të cilat janë marrë si prova materiale. Pas intervistimit, me vendim të prokurorit, të tre të dyshuarit janë liruar në procedurë të rregullt, ndërsa hetimet për këtë rast vazhdojnë.