Njësia për Ndërlidhje me Gjykatat në Stacionin Policor të Gjakovës ka realizuar një aksion që përfundoi me arrestimin e S.LL, një personi të dënuar me dy vite burgim për blerje, posedim dhe shpërndarje të paautorizuar të narkotikëve dhe substancave psikotrope. Ai nuk kishte respektuar urdhërin për t’u paraqitur për vuajtjen e dënimit, ndaj me kërkesë të gjykatës, policia zhvilloi punë intensive operative dhe hetimore për ta lokalizuar. Pas arrestimit, i dënuari është dërguar në institucionin korrektues për të vuajtur dënimin e tij. Policia e Kosovës thekson përkushtimin e saj në zbatimin e ligjit dhe garantimin e rendit publik.