Autoritetet malazeze kanë arrestuar në Kotor një person me shtetësi turke dhe iraniane, i kërkuar nga Shtetet e Bashkuara për sulme të organizuara kibernetike, mashtrim kompjuterik dhe vjedhje identiteti. I dyshuari, i lidhur me Gardën Revolucionare Islamike të Iranit, akuzohet për sulme masive ndaj infrastrukturës amerikane dhe mbi 150 universiteteve, me dëme që kapin vlerën e 3.4 miliardë dollarëve. Arrestimi është rezultat i bashkëpunimit ndërkombëtar mes Interpol dhe autoriteteve të Malit të Zi, të cilët kanë lokalizuar dhe ndaluar shtatë persona të kërkuar nga FBI gjatë tre viteve të fundit. I arrestuari do të përballet me procedurat e ekstradimit drejt SHBA-së, ku do të përgjigjet për akuzat e ngritura në Gjykatën e Lartë në Nju Jork.