Policia malazeze arrestoi në Nikshiq një 19-vjeçar nga Maqedonia e Veriut, Andrej Tanaskovski, i cili dyshohet për tentativë vrasjeje ndaj një anëtari të njohur të klanit "Shkaljar". Sulmi u krye më 7 gusht 2025 në kompleksin hotelier "Maestral" në Budva, ku Tanaskovski qëlloi dy herë me armë zjarri, duke plagosur në kokë viktimën Marko Ljubisha, i njohur si "Kan". Në operacion u arrestua edhe një person tjetër, 34-vjeçari Neno Markovic, i dyshuar për ndihmë në fshehjen e të dyshuarit pas krimit. Përveç tentativës së vrasjes, Tanaskovski akuzohet edhe për armëmbajtje pa leje dhe përdorim të dokumenteve false gjatë planifikimit të sulmit.