Në Mitrovicë Veri është arrestuar H.B., i lindur në vitin 2001, i cili ishte i kërkuar nga Gjykata Themelore për veprën penale “Vjedhje në tentativë” dhe i dënuar me 7 muaj burgim efektiv. Policia ka marrë informacion nga qytetarët për vendndodhjen e tij dhe pas procedurave të nevojshme e ka dërguar në vuajtje të dënimit. Drejtoria Rajonale e Policisë Mitrovicë Veri falënderon qytetarët për bashkëpunimin dhe i fton të vazhdojnë të raportojnë persona të kërkuar në mënyrë konfidenciale. Policia njofton se do të vazhdojë me zbatimin e urdhër-arresteve për personat që nuk iu janë përgjigjur thirrjeve të organeve të drejtësisë.