Një 37-vjeçar nga Kosova, i shpallur në kërkim nga autoritetet gjermane për përfshirje në disa raste grabitjesh dhe vjedhjesh, është arrestuar më 8 korrik në komunën Buturugeni, në qarkun Giurgiu të Rumani. Arrestimi u realizua nga policia rumune në bashkëpunim me Shërbimin e Hetimit Penal dhe policinë rurale, pas një kërkese të Inspektoratit të Policisë së Qarkut Braila. Pas ndalimit, i dyshuari u dërgua në Qendrën e Paraburgimit dhe Ndalimit të Policisë së Bukureshtit, me mbështetjen e forcave speciale të Shërbimit të Operacioneve Speciale të Giurgiut. Aktualisht, autoritetet rumune po vijojnë procedurat ligjore për ekstradimin e tij drejt Gjermanisë, ku do të përballet me akuzat për grabitje dhe vjedhje.