Policia e Peqinit finalizoi operacionin e koduar “Gjurmët”, duke arrestuar dy persona të dyshuar për një seri vjedhjesh në zonat e Elbasanit dhe Peqinit. Shtetasit Glendon Ymeri, 34 vjeç, dhe Florenc Janku, 37 vjeç, akuzohen për vjedhje në banesa, biznese dhe automjete, ku kanë marrë shuma parash dhe sende me vlerë. Gjatë operacionit u sekuestrua një automjet i marrë me qira, i cili dyshohet se përdorej për kryerjen e vjedhjeve, si dhe mjete dhe veshje që dyshohet se janë përdorur gjatë grabitjeve. Hetimet vijojnë për dokumentimin e plotë të veprimtarisë kriminale të dyshuarve dhe për zbardhjen e rasteve të tjera të mundshme, ndërsa materialet i janë dorëzuar Prokurorisë për veprime të mëtejshme.