Në pikën kufitare të Morinës, Policia Kufitare e Shqipërisë arrestoi dy persona nga Prishtina, nën dyshimin për trafikim të armëve të zjarrit dhe automjeteve të vjedhura. Njëri prej tyre, 38-vjeçari M.P., tentoi të kalonte në Shqipëri një armë zjarri të fshehur në një makinë “BMW” të vjedhur në Gjermani, e cila ishte rimorkiuar nga një automjet tip “Tuareg”. Gjatë kontrollit u sekuestrua arma pistoletë me municion luftarak, ndërsa hetimet çuan në arrestimin e një personi tjetër, 34-vjeçarit H.A., i dyshuar si porositësi i trafikimit. Materialet iu referuan Prokurorisë së Kukësit për veprime të mëtejshme, ndërsa operacioni u zhvillua në kuadër të kodit “JAD 1”.