Policia e Kosovës, në bashkëpunim me Prokurorinë Themelore në Ferizaj, ka arrestuar dy persona të dyshuar për pranimin e ryshfetit në vlerë prej 400 eurosh. Ata dyshohet se kanë marrë paratë në zyrën e tyre me premtimin për të përshpejtuar procesin e realizimit të një kërkese për furnizim të parashtruar nga viktima. Paratë janë siguruar nga policia në të njëjtin vend ku janë marrë, ndërsa të dyshuarit janë intervistuar në prani të avokatëve mbrojtës. Pas intervistës, prokurori ka nxjerrë aktvendim për ndalimin e tyre dhe ndaj tyre është ngarkuar vepra penale “Pranimi i Ryshfetit në Sektorin Privat”.