Në Podujevë janë arrestuar dy persona, një burrë dhe një grua, nën dyshimin për pengim të zyrtarëve policorë gjatë kryerjes së detyrës zyrtare. Ata kanë kundërshtuar kontrollin policor ndërsa ndodheshin në veturë së bashku me tre dëshmitarë të tjerë. Gjatë incidentit, dy zyrtarë policorë kanë pësuar lëndime të lehta trupore dhe kanë marrë trajtim mjekësor, ndërsa edhe të dyshuarve u është ofruar tretman mjekësor në stacionin policor. Pas intervistimit dhe me urdhër të prokurorit, të dy të dyshuarit janë liruar në procedurë të rregullt, ndërsa rasti është njoftuar edhe Inspektoratin Policor të Kosovës.