Policia e Kosovës ka kryer një operacion në Prizren, ku ka bastisur një shtëpi dhe tri lokacione të tjera, duke arrestuar dy persona të dyshuar për kultivim të bimëve narkotike të llojit kanabis sativa. Gjatë kontrollit janë sekuestruar pajisje të ndryshme për kultivim si llampa, aparate ngrohjeje, klima, trafo, gypa ventilimi, si dhe bimë kanabis, substanca narkotike marihuanë dhe kokainë, armë zjarri dhe fishekë. Dyshohet se të dyshuarit kanë shkatërruar dhe djegur rreth 300 bimë kanabis të mbjella brenda laboratorit në shtëpi. Pas intervistimit në prezencë të avokatëve, të dyshuarit janë ndaluar për 48 orë me vendim të prokurorit kompetent.