Policia shqiptare ka arrestuar dy persona për posedim dhe shitje të lëndëve narkotike në Tiranë dhe Krujë. Njëri prej tyre, një 30-vjeçar nga Tirana, u ndalua në rrugën “Mine Peza” me sasi kokainë në automjetin që drejtonte dhe në banesën ku jetonte me qira. Tjetri, një 19-vjeçar nga Kruja, u kap në banesën e tij me 256 gramë cannabis sativa, të cilën dyshohet se e posedonte për shitje. Materialet e rastit janë referuar Prokurorisë për veprën penale “Prodhimi dhe shitja e narkotikëve”, ndërsa janë sekuestruar edhe telefonat dhe automjeti i përfshirë në ngjarje.