Agjencia e Mbikëqyrjes Policore (AMP) ka arrestuar në flagrancë dy inspektorë të Komisariatit Nr. 3 në Tiranë, të dyshuar për korrupsion pasiv dhe shpërdorim detyre. Hetimi nisi menjëherë pas publikimit në rrjetet sociale të disa pamjeve filmike ku efektivët morën para nga një drejtues mjeti për të mos e penalizuar për shkeljen e kryer. Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, ndërsa hetimet vazhdojnë për identifikimin e personave të tjerë të implikuar. AMP thekson angazhimin e saj në luftën kundër korrupsionit dhe falënderon qytetarët dhe median për ndihmën në denoncimin e rasteve të shkeljes së ligjit.