Policia e Kosovës ka realizuar një operacion në vijën kufitare me Serbinë, në fshatin Hajkobillë të Prishtinës, ku janë arrestuar katër persona të dyshuar për kontrabandë me mallra, kalim të paautorizuar të vijës kufitare dhe mbajtje pa leje të armëve të zjarrit dhe municionit. Gjatë operacionit, zyrtarët policorë kanë ndaluar tre traktorë që transportonin dru të kontrabanduara nga Serbia në Kosovë. Me autorizim të prokurorit, është kryer edhe bastisja e një shtëpie pranë vijës kufitare, ku janë gjetur armë ilegale dhe janë sekuestruar 3 traktorë, 3 pushkë gjuetie, 1 pushkë ajrore dhe 83 fishekë të kalibrave të ndryshëm. Katër të dyshuarit janë ndaluar për 48 orë dhe rasti po hetohet më tej nga njësitë kompetente të Policisë dhe Doganës së Kosovës.