Në Shkodër janë arrestuar tre shtetase kolumbiane, të cilat dyshohet se ushtronin prostitucion në dy apartamente të marrë me qira, njëri prej tyre në lagjen “3 Heronjtë”. Përveç tyre, në pranga kanë rënë edhe dy persona të tjerë që dyshohet se ishin të përfshirë në këtë aktivitet, ndërsa një shtetase tjetër po hetohet në gjendje të lirë për dhënien me qira të ambienteve. Gjatë operacionit policor të koduar “Rent Home 3” u sekuestruan një shumë parash, e dyshuar si fitim nga prostitucioni, dhe gjashtë telefona celularë si prova materiale. Materialet procedurale i janë kaluar Prokurorisë së Shkodrës, ku po vijon puna për dokumentimin e plotë të rastit dhe identifikimin e personave të tjerë të përfshirë.