Mbrëmjen e 31 korrikut, tre persona nga fshati Bllacë janë arrestuar në zonën kufitare ndërmjet Maqedonisë së Veriut dhe Kosovës, pasi u kapën duke ngarkuar mall të kontrabanduar ilegalisht nga Kosova. Operacioni u zhvillua nga zyrtarët e Qendrës Rajonale për Çështje Kufitare – Veri, në bazë të një plani operativ për parandalimin dhe zbulimin e kontrabandës. Të dyshuarit u kapën duke përdorur dy automjete, një “Mercedes Vito” me targa të Shkupit dhe një “Hyundai” pa targa, ku u sekuestruan edhe mallrat e kontrabanduara. Rasti është referuar prokurorit publik dhe ndaj të arrestuarve do të ngrihen kallëzimet përkatëse pas përfundimit të hetimeve.