Në orët e para të mëngjesit të 19 shkurtit, në Mitrovicë janë raportuar dy raste të thyerjes së lokaleve në pjesë të ndryshme të qytetit. Pas veprimeve intensive operative dhe hetimore, Policia e Kosovës ka arritur të identifikojë dhe arrestojë tre persona të dyshuar, njëri prej të cilëve është i mitur. Gjatë kontrollit tek të dyshuarit janë gjetur dhe sekuestruar gjësendet e vjedhura nga lokalet e thyera. Me vendim të prokurorit, ndaj tyre është iniciuar rasti penal për “vjedhje të rëndë” dhe u është caktuar masa e ndalimit policor prej 48 orësh.