Tre persona nga Prizreni janë arrestuar në fshatin Poslishtë të Komunës së Prizrenit, pasi dyshohen për vjedhjen e disa stolive të arit. Policia ka reaguar menjëherë pas marrjes së informacionit për vjedhjen në progres dhe ka gjetur stolitë e dyshuara në automjetin e përdorur nga të arrestuarit dhe në trupin e njërës prej tyre. Pas evidentimit dhe fotografimit nga njësia e krim-teknikës, sendet e vjedhura janë kthyer pronarit me urdhër të Prokurorit, ndërsa automjeti i përdorur është konfiskuar. Të dyshuarit janë ndaluar për 48 orë dhe do të intervistohen edhe për raste të tjera të ngjashme, ndërkohë që vlera e saktë e sendeve të vjedhura ende nuk është bërë e ditur.