Në qytetin e Vlorës, Forca e Posaçme “Shqiponja” ka goditur një rast të shpërndarjes së lëndëve narkotike nga dy adoleshentë që dyshohen se furnizonin bashkëmoshatarët e tyre. Gjatë një operacioni në lagjen “Pavarësia”, policia ndaloi dhe kontrolloi dy të mitur, ku 17-vjeçarit me iniciale D.M. iu gjetën 10 doza kokainë të mbështjella në qese plastike dhe një sasi kanabisi e mbështjellë me letër alumini. Lëndët narkotike u sekuestruan si prova materiale, ndërsa 17-vjeçari u arrestua në flagrancë, ndërsa 16-vjeçari u procedua në gjendje të lirë. Materialet iu kaluan Prokurorisë së Vlorës për veprën penale “Prodhimi dhe shitja e narkotikëve”, dhe hetimet vazhdojnë për të zbuluar nëse të miturit janë pjesë e një rrjeti më të gjerë shpërndarjeje.