Një 18-vjeçar nga Vlora është arrestuar nga Forca e Posaçme “Shqiponja” gjatë një kontrolli në lagjen “Lef Sallata”. Gjatë kontrollit fizik, policia i gjeti dhe sekuestruar një pistoletë lodër, një maskë prej materiali sintetik, një përforcues grushti metalik dhe kartëmonedha në euro dhe dollarë të dyshuara si të falsifikuara. Materialet janë referuar Prokurorisë së Vlorës për veprime të mëtejshme lidhur me veprat penale të prodhimit dhe mbajtjes pa leje të armëve të ftohta, si dhe falsifikimit të monedhave. Operacioni u realizua në vijim të kontrolleve intensive dhe informacioneve operative, duke bërë të mundur kapjen në flagrancë të të riut.